नेपाल स्वास्थ्य डटकम,
हरियो बिरुवाहरूले तपाईं हाम्रो घरमा सुन्दरता थपेका हुन्छन् । रिफ्रेसिङ मनी प्लान्टलाई गोल्डेन पोथोस, डेभिल्स आइभी र डेभिल्स वाइन पनि भनिन्छ । यो एक लोकप्रिय हाउसप्लान्ट हो जसले हावा शुद्ध गर्दछ र सुखदायक वातावरण सिर्जना गर्दछ । तपाईले मनी प्लान्टलाई बोतल वा माटोको कन्टेनरमा बढाउन सक्नुहुन्छ । यो बिरुवाको नाम मुटुको आकारको हरियो मनी प्लान्टका पातहरूका कारण भएको हो जुन सिक्कासँग मिल्दोजुल्दो छ । वास्तु र फेंगशुईका अनुसार मनी प्लान्टलाई घरको लागि भाग्यशाली बिरुवा मानिन्छ किनभने यसले घरको आर्थिक वृद्धिमा योगदान पु¥याउँछ । मनी प्लान्टहरूले अनन्त शारीरिक र भावनात्मक स्वास्थ्य लाभहरू प्रदान गर्नमा योगदान दिन्छन् । हामीले यहाँ हामीले मनी प्लान्टका केही फाइदाहरू सूचीबद्ध गरेका छौंः
१.हावा शुद्ध गर्छः
मनी प्लान्टहरूले बेन्जिन, कार्बन मोनोअक्साइड, फा‘र्मल्डिहाइड र जाइलिन जस्ता भित्री हावाबाट वायुजन्य प्रदूषकहरू हटाएर स्वस्थ जीवनशैलीमा लागि सहयोग गर्दछन् । मनी प्लान्ट भएको कोठाको हावामा अक्सिजन बढी हुन्छ र यसले सास फेर्न सजिलो हुन्छ भनेर चिनिन्छ ।
२.तनाव र चिन्ता कम गर्दछः
मनी प्लान्ट घरमा राख्नाले ऊर्जावान बनाउँछ र मानिसमा तनाव कम हुन्छ । यसले विवादहरुबाट बच्न मद्दत गर्दछ भने चिन्ता र निद्राका विकारहरू कम राख्नमा सहयोग गर्दछ ।
३.एन्टी–रेडिएटरको रूपमा कार्य गर्दछः
मनी प्लान्टहरूले हाम्रो घर र कार्यालयका ठाउँहरूमा एन्टी–रेडिएटरको रूपमा काम गर्दछन् । यसले कम्प्युटर, मोबाइल फोन र ल्यापटप जस्ता इलेक्ट्रोनिक उपकरणहरूबाट उत्सर्जित विकिरण स्तरलाई कम गर्छ ।
४.स्वास्थ्य लाभहरू प्रदान गर्दछः
वाइफाइ राउटरको नजिक मनी प्लान्ट राख्दा घरका बच्चाहरू बिरामी पर्न र परिवारका ठूला सदस्यहरूलाई हृदयघात हुनबाट जोगिन मद्दत गर्न सक्छ ।
५.वैवाहिक समस्यालाई टाढा राख्छः
वास्तु र फेंगशुईका अनुसार मनी प्लान्टहरू दक्षिण–पूर्व दिशामा राख्नु पर्छ । यसले घरमा शान्ति र स्वस्थ वातावरण कायम राख्छ र यसरी वैवाहिक समस्याहरूबाट समेत टाढा राख्छ ।
६.समृद्धि र सौभाग्य ल्याउँछः
मनी प्लान्टको प्रत्येक शाखामा पाँचवटा पातहरू फेंग शुईका पाँच तत्वहरू जस्तै पृथ्वी, पानी, आगो, धातु र काठको प्रतीक हुन् । यी तत्वहरूमा जीवनमा समृद्धि ल्याउने शक्ति हुन्छ।
७. टुटेको सम्बन्ध सुधार्छः
मनी प्लान्टको पातहरू मुटुको आकारको हुने भएकाले यसले परिवारमा माया, हाँसो र खुशी ल्याउँछ । यसले टुटेको सम्बन्धलाई सुधार्न र घरका परिवारका सदस्यहरूबीचको बन्धनलाई सुधार्न पनि मद्दत गर्छ ।
८.सकारात्मकता फैलाउँछः
हरियो मनी प्लान्टले घर वरिपरि राम्रो ऊर्जा फैलाउँछ जसले सकारात्मकता भित्राउँछ ।
९.एक्वैरियमको पानी सफा गर्न मद्दत गर्दछः
एक्वैरियममा मनी प्लान्टहरू बढाएर पानीलाई नाइट्रेटबाट मुक्त बनाउँछ, जुन माछा र अन्य पानीका जनावरहरूलाई हानिकारक हुन्छ ।
१०.सिक बिल्डिंग सिन्ड्रोमलाई तटस्थ बनाउँछः
मनी प्लान्टमा वरपरका नकारात्मक ऊर्जाहरू अवशोषित गरेर सिक बिल्डिङ सिन्ड्रोमका लक्षणहरूलाई बेअसर गर्ने शक्ति हुन्छ ।
-एफएनपी डटकमको सहयोगमा ।
प्रकाशित मितिः २०७९ फागुन १२, बिहान ७ः ३७ बजे
