नेपाल स्वास्थ्य डटकम,
संघीय संसदको संयुक्त बैठकमा सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सबै नागरिकको पहुँचमा गुणस्तरीय स्वास्थ्य पुर्याउने र असहाय र वृद्धलाई घरदैलौमै स्वास्थ्य सेवा पुर्याउने सरकारले योजना रहेको बताउनु भएको छ।
त्यसैगरी आधारभूत अस्पतालमा एक एमडिजिपी, एक महिला तथा प्रसुती रोग विशेषज्ञ, कम्तिमा तीनजना मेडिकल अधिकृत र आवश्यक नर्स, प्राविधिक जनशक्ति र उपकरण र एम्बुलेन्स सबै आधारभूत स्वास्थ्य सेवा प्रवाह हुने व्यवस्था गर्ने पनि सरकारको योजना छ।
त्यस्तै उच्च शिक्षा अध्ययनमा अवसर दिने,सामुदायिक अस्पतालमा एक अस्पताल एक चिकित्सकको व्यवस्था गर्नेदेखि बहिरिंग सेवा बिहान ८ देखि बेलुका ८ बजेसम्म सञ्चालन गरिने, सुदूरपश्चिम प्रदेशका पहाडी जिल्ला र कर्णाली प्रदेशमा एयर एम्बुलेन्स सञ्चालन गर्ने, स्वास्थ्य बीमा कार्यक्रम पुनरावलोकन गर्ने, गुणस्तरीय स्वास्थ्य सेवामा सबै नागरिकको पहुँच विस्तार गर्ने लगायतका कार्यक्रम समावेश गरेको छ ।
प्रकाशित मिति:२०८० जेठ ०५ गते, राती ८:२७ बजे।
