नेपाल स्वास्थ्य, नेपाल नियमित रक्तदाता संघ, जिल्ला शाखा रुपन्देहीले “मानवीय सेवामा समर्पित अभियान” भन्ने नाराका साथ रक्तदान जीवनदान अभियान सुरु गरेको जनाएको छ। अभियान अन्तर्गत जिल्लाका विभिन्न गाउँपालिका र नगरपालिकामा रक्तदान कार्यक्रम सञ्चालन गर्दै निःशुल्क स्वास्थ्य सेवा उपलब्ध गराउने उद्देश्य लिएको छ। गत शुक्रबार पत्रकार सम्मेलनमा संघका अध्यक्ष अशेष सिलवालले रगतको अभाव हटाउने बताएका हुन् । उनले १६०० युनिट रगत संकलन गर्ने महत्त्वाकांक्षी लक्ष्य लिएको बताएका छन् ।
ग्रामीण क्षेत्रमा स्वास्थ्य सेवाको पहुँच विस्तार गर्न मानसिक स्वास्थ्य, नसा रोग, रक्तचाप, मधुमेह लगायतका रोगहरूको निःशुल्क परामर्श र उपचार सेवा प्रदान गरिने जनाइएको छ।
प्रकाशित मितिः २०८१ पौष १५ गते, बिहान १०ः२१ बजे
