नेपाल स्वास्थ्य,
अनशनरत डा. गोविन्द केसी र सरकारबीचबीच १० बुँदे सहमति भएको छ । सहमतिसँगै डा. केसीले बिरामी अमनलाल चौधरीको हातबाट जुस पिएर अनशन तोडेका छन् । विभिन्न ७ बुँदे माग राख्दै डा. केसी धनगढीमा अनसन बसेका थिए । स्वास्थ्यमा आएको जटिलतासँगै उनी उपचारको लागि काठमाण्डौं आएका थिए ।
डा. केसी र सरकारबीच भएको सहमतिलाई अनुमोदनका लागि मन्त्रिपरिषद्मा पेस गर्ने जनाइएको छ ।
सरकारको तर्फबाट वार्ताका लागि प्रधानमन्त्री कार्यालयका सचिवको संयोजकत्वमा र डा. गोविन्द केसीका तर्फबाट जीवन क्षत्रीको संयोजकत्वमा वार्ता समिति गठन भएको थियो ।
फोटो साभारः डा.गोबिन्द केसीको फेसबुकबाट
प्रकाशित मितिः २०७९ असोज ८, साँझ ८ः३७ बजे
